إمبارح كنت كتير زهآنه فقررنا نطلع أنا و زوجي و إبني  فرحنا على هالمطعم . من بره حلو و النزره الأولى تخيلي إنو نظيف و شي بيعئد من الآخر. و بكل ثقة أعدنا و أول شي شفته هوه الشوك و السكاكين إللي من سنة ستي طبعا لونها كاحت من أد ما هيي أديمه. زي كل المطاعم حاطين الصحون على الطاولة مألوبين بس طن الغبرة عليهم خلاني ما أميز إنهم صحون. بتزكر إنو كان في باكيت فاين في الموضوع بس الظاهر إنو زباين هاد المطعم مثقفين لدرجة إنو إللي أبلنا كاتبين على باكيت الفاين. فوق هيك بس فكرت إني أأعد على الكرسي إللي جنب زوجي و يا ريتني ما فكرت لئيتلكم هالعنكبوت بيتمشى على الكرسي!!!! المهم أنا لسه ما حكيت إيش السبب لكل هاي الكتابة, الموقف العجيب الغريب إنو كان المطعم مليان بسس. طبعا المطعم أعدته بره فحاطين شادر قماش زي بيوت الشعر بدل سقف فإجت هالبسه الشقرة الحلوة و تسلقت عالعمود و طلعت أعدت فوق الشادر, طبعا أنا فكرتها حابه تغير جو فوق لاكن الظاهر إنو البسة مش ميزه وين الحمام .......؟؟؟؟؟؟؟ و نزل المطر إمبارح في المطعم إللي كنا في بس و أشوفلكم هالشوفه و شوي كان رح يغمى علي بس الحمد لله إنها إختارت مكان ما في تحته طاوله يعني نشنت على مكان صح  ;-)